O‘Y-MUZEY HAQIDA — SADRIDDIN AYNIY UY-MUZEYI

Samarqand shahrining tarixiy markazida, Registon ko‘chasida joylashgan Sadriddin Ayniy uy-muzeyi taniqli yozuvchi, olim va ma’rifatparvar Sadriddin Ayniy hayoti hamda ijodiga bag‘ishlangan madaniy maskandir. Muzey 1967-yilda tashkil etilgan bo‘lib, unda adibning uzoq yillar yashab, ijod qilgan uyidagi tarixiy muhit saqlab qolingan.

Muzey ekspozitsiyasida yozuvchining shaxsiy buyumlari, qo‘lyozmalari, kitoblari, fotosuratlari va ijodiy faoliyatiga oid boshqa tarixiy materiallar namoyish etiladi. Tashrif buyuruvchilar bu yerda uning mashhur asarlari, jumladan, «Qullar» romani va «Sudxo‘rning o‘limi» qissasi yaratilgan muhit bilan tanishishlari mumkin. Uy-muzey adabiyot, tarix va milliy madaniyatga qiziquvchilar uchun o‘tmish merosini yaqindan kashf etish imkonini beruvchi maskandir.