“ЙИЛЛАР АРМОНИ” Муаллиф Учқун Ўсаров Саҳналаштирувчи режиссёр - Расулжон Тоғайқулов Мазкур саҳна асарида Ўзбекистон халқ шоири, Ўзбекистон Қаҳрамони, Ўзбекистон Республикаси мадҳияси матн муаллифи Абдулла Ориповнинг ҳаёти, ижоди, унинг лирикаси қамраб олинган. Асар поэтик драма жанрида бўлиб, асосан ёзилган шеърларга туртки бўлган ҳаётий воқеалар киритилган. “Йиллар армони” спектаклида шоирнинг кечинмалари, ҳаёт йўллари, қувончу изтироблари илгари сурилган бўлиб, воқейликлар шеърият ҳамда шоир қаламига мансуб куй-қўшиқлар билан чамбарчас боғланган ҳолда ифодаланади.