6-sentabr kuni xitoylik pianinochi Lang Lang Samarqanddagi Registon maydonida Alibek Kabdurahmanov boshchiligidagi O‘zbekiston Milliy simfonik orkestri bilan birgalikda konsert beradi.

Lang Lang muntazam ravishda dunyoning yetakchi sahnalarida ijro etib, yirik xalqaro festivallarda qatnashib keladi. Samarqandda u akademik an’analar yorqin konsert ifodaliligi bilan uyg‘unlashgan Lyudvig van Bethovenning 5-sonli “Imperator” fortepiano konserti va Jorj Gershvinning “Blyuz uslubidagi rapsodiya” asarlarini birlashtirgan dasturni taqdim etadi.