USHBU TURNIR UCHUN CHIPTALAR MARKAZIY OSIYO FUTBOL ASSOTSIATSIYASI (CAFA) TOMONIDAN BERILADI VA UNING MULKI BO‘LIB QOLADI.

Faqatgina chiptaga ega bo‘lgan shaxslar stadionga kirish va chiptada ko‘rsatilgan maxsus zonalarga kirish huquqiga ega.

Chiptalar faqat unda ko‘rsatilgan sana va vaqtda amal qiladi.

Chiptalar almashtirilmaydi, qaytarilmaydi va naqd pulga aylantirilmaydi.

Shikastlangan, yo‘qolgan yoki o‘g‘irlangan chiptalar qayta tiklanmaydi.

Chiptalar reklama yoki tijorat maqsadlarida foydalanish uchun mo‘ljallanmagan.

Xavfli narsalar, qurollar, taqiqlangan moddalar, ochiq olov va portlovchi moddalarning kiritilishi qat’iyan taqiqlanadi.

Chiptaga ega shaxslar vakolatli organlar tomonidan o‘tkaziladigan tekshiruv va nazoratga to‘liq hamkorlikda bo‘lishlari shart.

Tadbirda ishtirok etish va shaxsiy buyumlarni olib kirish chipta egasining o‘z xavfi ostida amalga oshiriladi.

Tijorat maqsadidagi foto, audio va video yozuvlar qat’iyan taqiqlanadi.

Stadion hududida chekish taqiqlanadi, faqat maxsus ajratilgan joylarda ruxsat etiladi.

CAFA tadbir vaqti, sanasi, joylashuv tartibi va o‘tkazilish joyini oldindan ogohlantirmasdan o‘zgartirish huquqini o‘zida saqlab qoladi.

CAFA har qanday shaxsni, agar uning xulqi nomaqbul deb topilsa, xavf tug‘dirsa yoki boshqalarning qulayligi va xavfsizligiga putur yetkazsa, kompensatsiyasiz yoki pulni qaytarmasdan stadionga kiritmaslik yoki chiqarib yuborish huquqiga ega.

Chipta xarid qilish orqali siz o‘zingizning tasviringiz, ovozingiz va/yoki qiyofangizning suratga olinishi yoki yozib olinishi, hamda bu tasvirlardan CAFA, uning agentlari va hamkorlari tomonidan butun dunyo bo‘ylab va abadiy, har qanday ommaviy axborot vositalarida foydalanishga rozilik bildirasiz; bu uchun sizga to‘lov amalga oshirilmaydi.

Amaldagi qonunchilik doirasida, CAFA, mahalliy tashkiliy qo‘mita va stadion ma’muriyati o‘yin bilan bog‘liq har qanday baxtsiz hodisa, o‘lim, shaxsiy mulkning yo‘qolishi yoki shikastlanishi uchun javobgar emas.

Chiptalardan foydalanish shartlari vaqt o‘tishi билан qabul qilingan yangi qoidalar, qonunchilik va me’yoriy talablarga muvofiq ravishda o‘zgartirilishi mumkin.