"Los Potros Malambo" — Argentinadagi eng mashhur raqs jamoalaridan biridir. Ular yuqori professionalligi va tomoshabop chiqishlari bilan ajralib turadi. Guruh xoreograflar — Gardella aka-ukalari tomonidan tashkil etilgan bo‘lib, ular o‘z shousiga eng sara iste’dodlarni jamlagan.

Malambo — bu sayohatchilar va mustaqil erkaklar raqsi. Argentinaliklar bu raqs orqali besh asrdan beri tomoshabinlarga o‘z jasorati va qudratini namoyon qilib kelishmoqda. Qandayki Ispaniyada toreadorlar mashhur bo‘lsa, Argentinada yetakchi malambo raqqoslari ham katta e’tirofga sazovor.